Ni Mariz Alliah K. Peñaflor
Nagtago ang daga sa likod ng pader
isang malaking balakid ito
sa pusang nakaabang.
Habang nanginginig ang bubwit
nagngangalit naman ang ngipin
ng halimaw.
Habang sabay na pumapatak ang pawis
at dugo
sa dulo ng kanyang daliri,
patuloy niyang ginuguhit ang
munting pamamaalam
upang sa gayon, maabot man ng pusa
ang kanyang leeg, di mabubura
ang kanyang bakas.
Comments
Post a Comment